Бишкекте "Евразия" уюмунун гранттык долбоорунун алкагында өтүп жаткан "Евразиялык талкуу клубунун" кезектеги эксперттик жыйыны болду. Бул тууралуу аталган уюм кабарлады.

Жыйын "Маалымат доорунда Евразия элдеринин руханий-адептик баалуулуктары: жалпы маселелер жана мүмкүнчүлүктөр" деп аталган.

Иш-чарага Кыргызстандан сырткары Россиянын, Өзбекстандын жогорку окуу жайларынын окутуучулары, коомдук жана диний ишмерлер, окумуштуулар жана адистер келди. Ал эми айрым эксперттер онлайн-форматта катышты. Алар ЕАЭБ өлкөлөрүнүн өнүгүшүндө салттуу маданияттын ролу, салттуу баалуулуктардын экономикалык прогресске жана мамлекеттердин өнүгүшүнө тийгизген таасирин талкуулашкан.