Бишкекте прокурордун мурдагы жардамчысы үйүнөн баңгизат лабораториясы табылды

Бишкек шаарынын прокурорунун мурдагы жардамчысы үйүндө баңги лабораториясын ачып, марихуананын элиталык сортторун өстүргөн.

Баңгизатка каршы күрөш кызматкерлери Telegram каналы аркылуу сатып алууларды жүргүзүп, андан кийин алар прокуратуранын мурдагы кызматкери менен байланышышкан. 

Шектүү 39 жаштагы М.у. Н экени аныкталып, кармалган. Анын үйүн тинтүүдө ири өлчөмдөгү марихуана, кара куурай кошулган спирт тундурмалары, ошондой эле өсүмдүктөрдү өстүрүү үчүн жабдуулар - фито-лаборатория (өстүрүүчү чатырлар, лампалар, термометрлер ж.б.) табылып алынган.