УКМК төрагасы Камчыбек Ташиев чек ара жаңжалында эки көзүнөн жаракат алган Элдияр Төлөновго каржылык колдоо көрсөттү. Бул тууралуу УКМКдан билдиришти.

Ал 2022-жылы Баткенде чек ара жаңжалында жарадар болуп, алгач Түркияда, андан кийин Россияда дарыланган.

I топтогу майыптыгы аныкталгандан кийин Төлөновго мамлекет тарабынан 1 миллион 794 миң сом өлчөмүндө акчалай жардам көрсөтүлүп, Бишкектен батир берилген. Учурда ага майыптыгы боюнча төлөмдөр жана пенсия төлөнөт.

Ташиев Төлөновду "эл-жерин коргогон чыныгы офицер жана патриот уул" деп атап, ата-энесине ыраазычылык билдирди.