Министрлик бала бакчалардагы жаңы иш убактысы боюнча сындарга жооп берди

Билим берүү министрлиги жарандардын бала бакчалардын жаңы тартиби боюнча сынына жооп берди. 

Кечээ Бишкек мэриясы балдар мектепке чейинки билим берүү мекемелеринде саат 8:00дөн 18:00гө чейин болорун билдирген. Буга чейин бала бакчалар саат 7:30да ачылып, саат 18:30га чейин балдарды алып кетишчү. 

Көпчүлүк социалдык тармактарда ата-энелер балдарын алып кетүү үчүн жумуштан бош убакыт сурашат деп нааразы болушкан. Министрлик бала бакчалардын 90%ы 10 сааттык график менен — саат 8:00дөн 18:00гө чейин иштеп жатканын билдирди.

«Бала бакчада иш күнү аяктагандан кийин ата-энелер балдарды алып кеткенге чейин тарбиячылар кезектешип карап турушат», - деп айтылат маалыматта.