Президент Садыр Жапаров катышкан Курман айт намазы Бишкектин эски аянтында окулду
Садыр Жапаров катышкан Курман айт намазы Бишкектин эски аянтында окулду
Бүгүн таң эрте миңдеген мусулмандар Курман айт намазын окуу үчүн Бишкектеги Эски аянтка чогулушту. Намаздын алдында диний лидерлер майрамдын тарыхы жана мааниси, мусулмандар бул күнү жасашы керек болгон жакшы иштер жана курмандык чалуунун мааниси жөнүндө айтып беришти.
Айт намазга президент Садыр Жапаров жана Жогорку Кеңештин төрагасы Марлен Маматалиев кошулду.
Алдын ала маалыматтар боюнча, майрамдык намазга борбор калаанын Эски аянтына болжол менен 30 000 адам чогулду.
